Bu dunyoda ikki tojdor qad:

Mag‘ribiy Rim, Sharqiy Samarqand,
Bani bashar qalbiga payvand.
Samarqandim, jonim Samarqand!

Dunyo ilmi, hur tafakkuri,
Oqsaroyda jam oftob nuri,
Senda kezar shoh Temur ruhi,
Samarqandim, jonim Samarqand!

To‘rt faslli makon qayda bor,
Turonzamin degan joyda bor,
O‘zbekiston bag‘rida poydor,
Samarqandim, jonim Samarqand!

Mangulikdir har lahza — bugun,
Bugundasan navqiron, durkun,
Istiqloldan baxt-umring gulgun!
Samarqandim, jonim Samarqand!

Bu dunyoda ikki tojdor qad:
Mag‘ribiy Rim, Sharqiy Samarqand,
Bani bashar qalbiga payvand.
Samarqandim, jonim Samarqand!

Powered by OrdaSoft!