Canım düüler senin için,
Senin için, uşaam.
Senin için yaşêêrım bän
Senin için öl`cäm.

Senin için sabaadan bän
Uyumêêrım, kızım,
Çaarêrım gün duumasını
Senin için, nazlım.

Ko yısıtsın seni güneş,
Benim çiçek kızım,
Aydınnatsın yolu ateş,
Benim ak almazım!

Kuşlar senin için çalêr,
Senin için bu gök.
Sendän duuma bu dünnäda,
İnan, hiç kimsey yok.

Kaldıracam seni, uşaam,
Üüsek yıldızlara.
Sän birini savaş almaa,
Ko şafk etsin sana.

Bundan sora bän gidecäm
Uzak uzaklara.
Sana yardım edär bu şafk
Çıkmaa yukarlara.

Powered by OrdaSoft!