Ilk sevda en ilk duygu.
Hepsi, olmalı, duydu
O aldangaç dadını,
Kaynadır al kanını.

O pek ansızdan geler,
Canını çabuk sarêr,
Nicä kor kızgın haşlêêr,
Kär şarap - sarfoş eder.

Şen olêr bütün dünnä,
Aydınnık hep üreenä
Pak soluk gibi girer,
Hep beni sevindirer.

Gün dä, sansın, taa aydın
Hiç pelin dä diil pelin
Dolaylar da şen güler-
Bu sevda beni enseer.

Salt sakınma sän sevmää,
Sevdanı ilerletmää.
Ilk sevda-o en paalı.
En uygun hem en tatlı!

Büük ömür, uzun yollar
Hem koruyun, ayozlar,
Allahın izinini,
Sevdanın ak rengini!

Powered by OrdaSoft!