Alçak evcääz, maavi kapu,
İnan ki unutmam,
Her bir düştä görerim bän
Seni ana topraam.

Uzak kırı, eşil daayı
Tutêrım aklımda.
Anam bobamnan oturêr
Alçak sundurmada.

Küülüleri görerim bän
Her bir tatlı düştä.
Ana-boba nasaatını
Tutêrım canımda:

“Unutma hiç Vatanını,
Getir hep aklına.
Pek zoor olurasaydı sana,
Geeri dön evinä”.
***
Te geldi avşam evä
Çii yalabıyer otta.
Bän durêrım sokakta
Hem bakêrım büük aya.

Ayın yalabık şılaa
Düşer evin üstünä.
İşidilmeer hiç bir ses.
Herkez yattı uyumaa.

Hem büüklär, hem küçüklär
Dinnener evlerindä.
Salt çekirgä sesini
Duyerım köşedä.

Powered by OrdaSoft!